විද්‍යා, තාක්ෂණ හා පර්යේෂණ අමාත්‍යාංශය යටතේ ඇති ශ‍්‍රී ලංකා ජාතික ඉංජිනේරු පර්යේෂණ හා සංවර්ධන මධ්‍යස්ථානය (NURD) රටේ ජාතික වැදගත්කමකින් යුත් සිවිල් ඉංජිනේරු, කෘෂි ඉංජිනේරු සහ පසු අස්වනු තාක්ෂණ, පුනර්ජනන බලශක්ති, බලශක්ති හා පාරිසරික කළමනාකරණ, විදුලි හා විද්‍යුත් ඉංජිනේරු, සුපිරි නිමවුම් අංශය වැනි අංශ රාශියකින් ඉංජිනේරුමය පර්යේෂණ සඳහා දායකත්වය ලබාදෙන ප‍්‍රමුඛතම ආයතනයකි.
තාක්ෂණික ප‍්‍රදර්ශන හා ක‍්‍රියා නිරූපණ ,නිවාස ඉදිකිරීම සම්බන්ධ ගැටළු හා විසඳුම්,දැනුම හා විනෝදය ලබාදෙන වැඩසටහන් ,වීදි නාට්‍ය ආදී වැඩසටහන් සහ විශේෂාංග වලින් යුක්තව පැවැත්වෙන තාක්ෂණික හා ඉංජිනේරුමය ප‍්‍රදර්ශනය විද්‍යා, තාක්ෂණ හා පර්යේෂණ අමාත්‍ය සුසිල් පේ‍්‍රමජයන්ත මහතාගේ ප‍්‍රධානත්වයෙන් ලබන සෙනසුරාදා(14) පෙ.ව. 10.30 ට ඒකල, ජාඇල පිහිටි ජාතික ඉංජිනේරු පර්යේෂණ හා සංවර්ධන මධ්‍යස්ථානයේ දී ආරම්භ වීමට නියමිතය.
