අපවත්වී වදාළ පූජ්‍ය මාදුළුවාවේ සෝභිත නායක ස්වාමීන් වහන්සේගේ ශ්රී දේහය පිළිබඳ පූර්ණ රාජ්‍ය අනුග‍්‍රහ සහිතව පැවැත්වෙන ආදාහන පූජෝත්සවය හේතුකොටගෙන නොවැම්බර් 12 දා පැවැත්වීමට නියමිතව තිබූ ව්‍යාපාර පහසු කිරීමේ සංසදයේ 5 වන රැස්වීම එදින නොපැවැත්වෙන බව මුදල් අමාත්‍යංශය දැනුම් දෙයි. එදින ජාතික ශෝක දිනයක් ලෙස ද රජය විසින් ප‍්‍රකාශයට පත් කොට ඇත.
මෙරට ආයෝජකයන් හා ව්‍යාපාරිකයන් තම ව්‍යාපාර කටයුතු වලදී මුහුණ දෙන ගැටළුවලට එසැනින් විසඳුම් ලබාදීම සඳහා මුදල් අමාත්‍ය රවී කරුණානායක මහතාගේ ප්රධානත්වයෙන් මෙම රැස්වීම 12 වන දින ප.ව. 2.00 ට කොළඹ කොටුවේ පිහිටි මිලෝදා මධ්‍යස්ථානයේ පැවැත්වීමට නියමිතව තිබිණි.
මෙම රැස්වීම නැවත පැවැත්වෙන දිනය පසුව දැනුම් දෙන බව මුදල් අමාත්‍යංශය පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
