උසස් ගණකාධිකරණ ඩිප්ලෝමා පාඨමාලාවේ වෘත්තීය සමිති නායකයින්, එම ආයතනයේ නිලධාරීන් සහ උසස් අධ්‍යාපන අමාත්‍යාංශයේ නිලධාරීන් හමුවේදී මේ සම්බන්ධයෙන් එකඟතාවයට පැමිණි බව ද අමාත්‍යවරයා සඳහන් කරයි.
මෙම ඩිප්ලෝමාවට උපාධියට සමාන පිළිගැනීමක් 1990 සවරේ චක්‍ර ලේඛනයකින් ලබා දී තිබුණ ද පසුගිය රජය එම සමාන පිළිගැනීම අහෝසි කළ බව අමාත්‍යවරයා පෙන්වා දෙයි.
නව රජය බලයට පත්වීමෙන් පසු අධ්‍යාපන අමාත්‍යාංශය මඟින් රාජ්‍ය පරිපාලන අමාත්‍යාංශයට දන්වා තිබෙනවා ගණකාධිකරණ ඩිප්ලෝමාවට උපාධියට සමාන පිළිගැනීමක් නැවත ලබා දෙන ලෙස. මේ බව ශිෂ්‍යයින්ට හා නිලධාරීන්ට දැනුම් දී තිබියදී පෙළපාලි යාම නිශ්ඵල ක්‍රියාවක් බව අමාත්‍යවරයා පවසයි.
මේ සම්බන්ධයෙන් සවිස්තර ප්‍රකාශයක් යථා කාලයේදී නිකුත් කිරීමට තමා බලාපොරොත්තු වන බව ද ඒ මහතා වැඩිදුරටත් සඳහන් කරයි.
