එක්සත් ජාතීන්ගේ මහ ලේකම් බැන් කී-මූන් විසින් පත් කළ විශේෂඥ කමිටුවේ 2011 වාර්තාවේ සඳහනවී ඇත්තේ එල්.ටී.ටී.ඊ සංවිධානය සමඟ පැවති අවසන් ගැටුමේ අවසන් අදියර තුළදී 40,000කට අධික පිරිසක් මරුමුවට පත්ව ඇති බවයි.

ඉන්දීය මාධ්‍ය වෙත අදහස් දක්වමින්, විශ්‍රාමික මහාධිකරණ විනිසුරු පරණගම මහතා පවසා ඇත්තේ ජනාධිපති කොමිසමේ විමර්ශනයේ දී මරණ සංඛ්‍යාව නිශ්චිත අගයක් නොගත් අතර, එක්සත් ජාතීන්ගේ වාර්තාව සඳහන් පරිදි, එය "නිසැකව 40,000ක් නොවේ" යන්නය. ගැටුමේ අවසන් අදියරේ දී 40,000ක් ඝාතනය කර ඇති බව පැවසෙන කමිටු වාර්තාව ද නිශ්චිත නැති බව ඔහු වැඩිදුරටත් සඳහන් කළේය.

මේ අතර, අතුරුදන් වූ පුද්ගලයින් පිළිබඳ සෙවීමේ ජනාධිපති කොමිසම රටේ උතුරු හා නැගෙනහිර සිදු කළ සාකච්ඡාවන් මත එහි දෙවන අතුරු වාර්තාව ද අවසන් කර තිබේ. තවද, ජනාධිපති කොමිසමේ දෙවන අතුරු වාර්තාව එක්සත් ජාතීන්ගේ මානව හිමිකම් කවුන්සිලයේ සැසි වාරයේ දී සභාගත කරන ලෙස ඉල්ලා ජනාධිපති මෛත්‍රිපාල සිරිසේන මැතිතුමා වෙත ඒකාබද්ධ ලිපියක් ඉදිරිපත් කර ඇත.

SDF