මෙය සෞඛ්‍ය ක්ෂේත්‍රයට විශාල අභියෝගයක් බවද වෛද්‍ය අමල් හර්ෂ ද සිල්වා මහතා පවසන අතර ඒ මහතා මෙසේ ප්‍රකාශ කළේ, පසුගිය දා පැවැති ඇදුම රෝගය පිළිබඳව දනුවත් කිරීමේ වැඩසටහනකට සහභාගී වෙමිනි.
මේ වනවිට ඉන්හේලර් නිෂ්පාදන ව්‍යාපෘති දෙකක් සඳහා අනුමතිය ලැබී තිබේ. ඉන්හෙලර් භාවිතයට බොහෝ දෙනෙක් බිය වුවත් එසේ බිය විය යුතු නැතැයි වෛද්‍ය අමල් හර්ෂ ද සිල්වා මහතා පවසයි.
ඇදුම රෝගය දිගුකල් පවතින බෝනොවන රෝගයකි. ලෝකයේ මිලියන 300ක් පමණ ඇදුම රෝගීන් වාර්තා වන අතර ශ්‍රී ලංකාවේ ලක්ෂ 02ක පමණ රෝගීන් සංඛ්‍යාවක් වාර්තා වී තිබේ.
ඇදුම රෝගය ඇතිවීමට බලපාන ප්‍රධාන හේතුන් ලෙස කළුබෝවිල ශික්ෂණ රෝහලේ වෛද්‍ය එශාන්ත් පෙරේරා මහතා පවසන්නේ, සීතල වාතය, දුම්පානය, කීඩෑවන්, පරාග, සුරතල් සතුන්, සහ පරිසර දූෂණය හේතුවන බවය.
ඇදුම රෝගය සඳහ වැඩි වශයෙන් වයස අවුරුදු 10-14ත් වයස අවුරුදු 70-80ත් අතර වයස් සීමාවේ පුද්ගලයන් ඇදුම රෝගයට ගොදුරු වන බව වෛද්‍යවරු පවසයි.
