නයිජීරියාවේ දී පැහැරගැනීමකට ලක්ව නිදහස් කරගත් ශ්‍රී ලාංකික ඉංජිනේරුවා ඩී.ඒ.කරුණාදාස මහතා මෙම සතිය තුළ දී ශ්‍රී ලංකාවට පැමිණීමට අපේක්ෂා කරන බව නයිජීරියාවේ වැඩ බලන මහ කොමසාරිස්වරයා විදේශ කටයුතු අමාත්‍යංශයට දැනුම් දී ඇති බව විදේශ කටයුතු අමාත්‍යංශයේ ප්‍රකාශකාව අද (03) විදේශ කටයුතු අමාත්‍යංශයේ පැවති පුවත්පත් සාකච්ඡාවේ දී ප්‍රකාශ කළාය.
නයිජීරියාවේ ඔන්ඩෝ හා කෝගි ප්‍රාන්ත මායිමේ දී පැහැරගෙන ගිය කරුණාදාස මහතා පසුගිය මැයි 27වෙනිදා නිරුපද්‍රිතව නිදහස් කරගෙන ඇති අතර ඔහු පසුගිය මැයි 29 වෙනිදා නයිජීරියාවේ වැඩ බලන මහ කොමසාරිස්වරයා මුණ ගැසුණු බවත් ඇය සඳහන් කළාය.
වසර 20කට අධික කාලයක් සේවය කළ ඉතාලි සමාගම වෙනුවෙන් කළ යුතු කටයුතු අවසන් කිරීමට ඒ මහතා මේ දිනවල කල් ගත කරන බවත් හැකිතාක් ඉක්මණින් එය අවසන් කර මේ සතිය තුළ දී ඔහු ශ්‍රී ලංකාවට පැමිණෙනු ඇතැයි ඇය වැඩිදුරටත් පවසා සිටියාය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
