මෙම ණය ලබා ගැනීමට පැමිණි පිරිසෙන් 65% ක ට ආසන්න ප්‍රමාණයක් ණය ලබා ගැනීම සඳහා සුදුසුකම් සපුරා ඇති බව එම දත්ත මඟින් තවදුරටත් පෙන්වා දෙයි. ණය ලබාදීම, ණය යෝජනා ක්‍රම 17ක් ඔස්සේ සිදු කෙරන අතර වැඩිම ණය ඉල්ලුම්කරුවන් ප්‍රමාණයක් පැමිණ ඇත්තේ ''දිරිසවිය'' ණය යෝජනා ක්‍රමය යටතේ ණය ලබා ගැනීමට වීම විශේෂත්වයකි.
දිරිසවිය ණය යෝජනා ක්‍රමය කාණ්ඩ තුනක් යටතේ ණය ලබාදීම සිදු වේ. කුකුළු මස් නිෂ්පාදනය, ස්වයංරැකියාලාභීන් සහ සත්ත්ව පාලනයේ නියුතු ව්‍යවසායකයින් සඳහා මෙම ණය යෝජනා ක්‍රමය යටතේ රුපියල් 50,000 සිට මිලියන 05ක් දක්වා ණය ලබාදීම සිදු කෙරේ.
මීට අමතරව ගොවි නවෝදා, ජය ඉසුර සහ හෝම් ස්වීට් හෝම් යන ණය යෝජනා ක්‍රම යටතේ ද ණය ලබා ගැනීම සඳහා වැඩිපිරිසක් පැමිණ තිබේ.
ණය අපේක්ෂා කරන ව්‍යවසායකයින්ට ආසන්නයේම ඇති තමා කැමැති ඕනෑම රාජ්‍ය හෝ පෞද්ගලික බැංකුවකට ගොස් එම බැංකුවෙහි ස්ථාපිත කර ඇති එන්ටර්ප්‍රයිස් ශ්‍රී ලංකා ණය කවුළුවෙන් ඒ සඳහා අයදුම්පත සහ අනෙකුත් තොරතුරු ලබා ගැනීමේ හැකියාව පවතී.
විශේෂ මාධ්‍ය මධ්‍යස්ථානය
එන්ටර්ප්‍රයිස් ශ්‍රී ලංකා ප්‍රදර්ශනය - අනුරාධපුරය
