ජාතික නිදහස් උත්සවයේ පෙරහුරුවක් සඳහා ශ‍්‍රී ජයවර්ධනපුර කෝට්ටේ පාර්ලිමේන්තු ක‍්‍රිඩාංගණය අවට මාර්ග කිහිපයක් අද (27) පෙරවරුවේ වසා තැබෙන බව ස්වදේශ කටයුතු හා ධීවර අමාත්‍ය ජෝශප් මයිකල් පෙරේරා මහතා ඊයේ (27) ප්‍රවෘත්ති දෙපාර්තමේන්තුවේ පැවති මාධ්‍ය හමුවක දී පැවසීය.
අද උදෑසන 08.00 සිට දහවල් 12.00 දක්වා පාර්ලිමේන්තු ක‍්‍රීඩාංගණය ඉදිරිපස මාර්ග වන පාර්ලිමේන්තු ක‍්‍රීඩාංගණය ඉදිරිපස වට රවුම,පොල්දූව හන්දියේ සිට පාර්ලිමේන්තුව දෙසට ඇති පාර්ලිමේන්තු පාර, පාලන් තුන හන්දියෙන් පාර්ලිමේන්තුව දෙසට ඇති මාර්ගය, කොබ්බෑකඩුව මාර්ගය හා ජපන් මිත‍්‍රත්ව පාර ද වසා තැබෙන බව අමාත්‍යවරයා වැඩිදුරටත් ප්‍රකාශ කළේය.
මේ කාල සීමාව ඇතුළත විකල්ප මාර්ග භාවිතා කරන ලෙස අමාත්‍යවරයා මහජනතාවගෙන් ඉල්ලා සිටියේය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
