යාපනය ආරක්‍ෂක සේනා ආඥාපති මේජර් ජෙනරල් උදය පෙරේරා මහතාගේ උපදෙස් මත ක‍්‍රියාත්මක වූ මෙම වැඩ සටහන යාපනයේ පුස්තකාලය අසල මුට්ටවේලි පිටියේදී පැවැත්විණි. වත්මන් ආර්ථික තත්ත්වය සලකා බලා 51, 52 සහා 55 වන සේනාංක ප‍්‍රදේශවල ජීවත් වන අඩු ආදායම්ලාභී වැසියන් 200 දෙනෙකු අතර මෙම ගවයන් හා එළුවන් බෙදා දෙන ලදී.
මෙයට අමතර ව ප‍්‍රදේශයේ පාසල් සිසුන් හට පොල්පැළ 1000ක් ද යුද හමුදාව විසින් බෙදා දෙන ලදි. එදින යුද හමුදාව විසින් මහජනයා අතර බෙදාදුන් පැළ අතර තේක්ක පැළ 500ක්, කජු පැළ 500ක්, කොහොඹ පැල 500ක් හා කෙසෙල් පැළ 500ක් ද විය. මෙයට අමතර ව පසුගිය පෝය දින ශ‍්‍රී බෝධි රාජ පදනමේ අනුග‍්‍රහය ඇති ව ගවයන් 100 දෙනෙකු බෙදාදිමේ උත්සවයක් ද පැවැත්විණි.
ජනාධිපති මහින්ද රාජපක්ෂ මැතිතුමාගේ උපන් දිනයට සමගාමී ව සංවිධානය කරන ලැබූ මෙම උත්සවයේ ප‍්‍රධාන අමුත්තා ලෙස සාම්ප‍්‍රදායික කර්මාන්ත කුඩා ව්‍යවසායක අමාත්‍යය ඩග්ලස් දේවානන්දා මහතා ඇතුළු ප‍්‍රදේශයේ සම්භාවනීය අමුත්තන් පිරිසක් සහභාගි වූහ.
DB
