යුද්ධයේ දී මියගිය සියලු දෙනාට පිං අනුමෝදන් කිරීමේ අරමුණින් අනුරාධපුර ජය ශ්‍රී මහා බෝධියට දකුණු පසට වන්නට ඉදිකරමින් පවතින සඳහිරු සෑයේ නිධන් වස්තු තැන්පත් කිරීම අද (23) ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් සිදු කෙරේ.
රුවන්වැලි සෑය ධාතු නිධන් කළ ආකාරයෙන් ම සඳහිරු සෑයේ නිධන් වස්තු තැන්පත් කිරීමේ කටයුතු සිදු කෙරෙන අතර රන් කිලෝ 12ක වැඩහිඳින පිළිම වහන්සේ නමක් සහ පිළිම වහන්සේට සෙවණ සපයන රන් බෝධියක්, ඡත්‍රයක් ඇතුළු නිධන් වස්තු තැන්පත් කිරීම ඒ අනුව සිදු කෙරේ.
මීට අමතර ව රන්පත්වල ලියන ලද ත්‍රිපිටකය සහ රිදී පත් ඉරුවල ලියන ලද පිරුවාණා පොත් වහන්සේ වැසි පිරිත සහ ගිනි පිරිත ද තැන්පත් කිරීමට නියමිතව ඇත.
DB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
