ජනාධිපති මහින්ද රාජපක්ෂ මැතිතුමාගේ ජන්මදින සැමරුම් උත්සවය වෙනුවෙන් මාතර අකුරැස්සේ අඩුආදායම්ලාභී පවුල් සඳහා ජීවනෝපාය සංවර්ධන - 2014 වැඩසටහන යටතේ තෝරාගත් ප්‍රතිලාභීන් 353 දෙනෙකු සඳහා ස්වයංරැකියා උපකරණ බෙදා දීම පුනරුත්ථාපන හා බන්ධනාගාර ප්‍රතිසංස්කරණ අමාත්‍ය චන්ද්‍රසිරි ගජදීර මහතාගේ ප්‍රධානත්වයෙන් පසුගියදා අකුරැස්ස ප්‍රාදේශීය ලේකම් කාර්යාලයේ දී සිදු කෙරිණි.
මෙහිදී වඩු කර්මාන්තය, මැහුම් කර්මාන්තය, කොහු හා ඉදල් ආශ්‍රිත නිෂ්පාදන හා රූපලාවන්‍ය ආදී සේවා 24ක් සඳහා රුපියල් ලක්ෂ 50ක වියදමින් උපකරණ බෙදා දුන්නේය.
දිවි නැඟුම දෙපාර්තමේන්තුව යටතේ දිවි නැඟුම ජීවනෝපාය සංවර්ධන වැටසටහන යටතේ අඩුආදායම්ලාභීන් 238 දෙනෙකු සඳහා ද භාණ්ඩ බෙදා දීමත් "ඉසුරුමත් නිවහනක්" යන තේමාව යටතේ සමෘද්ධිලාභීන් සඳහා මුදල් ආධාර ලබාදීමත් මෙහි දී සිදු විය.
මෙම අවස්ථාව සඳහා අකුරැස්ස ප්‍රාදේශීය ලේකම්, එම පළාතේ දේශපාලනික නායකයෝ, රාජ්‍ය නිලධාරීහු සහ ප‍්‍රදේශවාසීහු සහභාගී වූහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
