ඒ අනුව මෙම වසරේ දී එම සත්කාරයේ සමාරම්භක අවස්ථාව සනිටුහන් කරමින් කොස්ලන්ද, මීරියබැද්ද ප්‍රදේශයේ නාය යාමෙන් අවතැන් වූ දූ දරුවන් වෙත අභ්‍යාස පොත් ප්‍රදානය පසුගිය දින පූනාගල දෙමළ මහා විද්‍යාලයේ දී සිදු කෙරිණි.
2007 වසරේ සිට අඛණ්ඩ ව මෙම වැඩසටහන සිදුකරනු ලබන අතර මේ වසරේදීත් දිවයින පුරා ළමුන් 5000ක් සඳහා මෙසේ අභ්‍යාස පොත් බෙදාදීමට නියමිතය. මෙදින කොස්ලන්ද, මීරියබැද්ද ප්‍රදේශයේ දුෂ්කර පාසැල් ළමුන් 285 දෙනෙකු සඳහා මෙම පොත් කට්ටල බෙදාදෙනු ලැබීය.
ජනාධිපති ආරක්ෂක සේනාංකයේ සේනාධිපති මේජර් ජෙනරාල් සී.පී. ලියනගේ මහතාගේ උපදෙස් පරිදි ජනාධිපති ආරක්ෂක සේනාංකයේ සම්බන්ධීකරණ නිලධාරී බ්‍රිගේඩියර් එච්.ඩී.පී. රණසිංහ මහතාගේ ප්‍රධානත්වයෙන් මෙම පොත් බෙදාදීම සිදු කෙරිණි.
මෙම අවස්ථාවට දියතලාව යුධ හමුදා කඳවුරේ සේනාධිපති බ්‍රිගේඩියර් සෙනවිරත්න මහතා ඇතුළු ආරක්ෂක නිලධාරී පිරිසක් සහභාගී වූහ.
DB/SH - dmu badulla
