ජන සෙවණ නිවාස දස ලක්ෂයේ වැඩසටහනට අදාළ ව විරු ගම්මාන ජාතික නිවාස වැඩසටහන යටතේ ජාතික නිවාස සංවර්ධන අධිකාරිය මඟින් මෙම නිවාස ද්‍රවිඩ කම්කරු ජනතාව ඉලක්ක කර ගනිමින් ඉදිකොට තිබේ.
මෙම රෝස්වත්ත විරු ගම්මානයේ ගෙවල් 31ක් ඉදිකොට තිබෙන අතර මෙම නිවාස ඉදිකිරීම සඳහා රුපියල් මිලියන 7.2ක් වැය වූ බව ජාතික නිවාස සංවර්ධන අධිකාරියේ මාතලේ දිස්ත්‍රික් කළමනාකාරවරිය පැවසුවාය. මෙම නිවාස සඳහා ජලය, විදුලිය ඇතුළු යටිතල පහසුකම් හා සනීපාරක්ෂක කටයුතු ද සපයා ඇති බව නවරත්න මහත්මිය ප්‍රකාශ කළාය.
මෙම අවස්ථාවට කර්මාන්ත හා වාණිජ කටයුතු පිළිබඳ නියෝජ්‍ය අමාත්‍ය ලක්ෂ්මන් වසන්ත පෙරේරා, ඉදිකිරීම්, ඉංජිනේරු සේවා, නිවාස හා පොදු පහසුකම් නියෝජ්‍ය අමාත්‍ය ලසන්ත අලගියවන්න යන මහත්වරුන් සහභාගිවීමට නියමිතය.
NDH/GNK-ISB dmu matale
