කෘෂිකර්ම අමාත්‍යාංශය හා ඊට අනුබද්ධ ආයතන සමඟින් ශ්‍රී ලංකා හදබිම අධිකාරිය සංවිධානය කරනු ලබන ‘හරිත උදාන ගොවි සමුළුව’ ලබන 13 වැනි දින ප.ව. 3.00ට ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් ගන්නෝරුව සේවා සංසරණ අභ්‍යාස ආයතන පරිශ්‍රයේදී පැවත්වීමට කටයුතු යොදා තිබේ.
කෘෂිකර්ම ක්ෂේත්‍රයේ පසුගිය දශක දෙක තුළ ලබාගෙන ඇති ජයග්‍රහණ හා කෘෂි කාර්මික ක්ෂේත්‍රයේ ඉදිරි දැක්ම පිළිබඳ ව ගොවි ප්‍රජාව දැනුවත් කිරීම අරමුණු කරගනිමින් මෙම ගොවි සමුළුව සංවිධානය කොට තිබේ.
මධ්‍යම පළාතේ, මහනුවර, මාතලේ හා නුවරඑළිය යන දිස්ත්‍රික්කවල හා කුරුණෑගල, බදුල්ල හා කෑගල්ල දිස්ත්‍රික්කවල හරිත උදාන ගොවි සංවිධානවල නියෝජිතයන් හා කෘෂිකර්ම දෙපාර්තමේන්තුව යටතේ ඇති අනෙකුත් ගොවි සංවිධානවල සාමාජිකයන් 5,000කට අධික සංඛ්‍යාවක් මෙම අවස්ථාවට සහභාගි වීමට නියමිතය.
NDH/TA-dmu kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
