යාපනයට දුම්රිය ධාවනය ඇරඹීමත් සමඟ දිනකට ලක්ෂ 7ක ආදායමක් යාපනය දුම්රිය ස්ථානයට ලැබෙන බවත් උතුරු දුම්රිය ධාවනය ඇරඹී ගෙවුණු දින 13 තුළ ලක්ෂ 75ක ආදායමක් ලැබුණු බවත් යාපනය දුම්රිය ස්ථානාධිපති (මෙහෙයුම්) කේ. රාජනායගම් මහතා කියා සිටියේය.
මේ දිනවල විශාල ජනතාවක් යාපනය දුම්රිය ස්ථානය හා දුම්රිය නැරඹීමට පැමිණෙන බවත් විශේෂයෙන් පාසල් දරුවන් හා පවුලේ වැඩිහිටියන් සිය දරුවන් රැගෙන පැමිණෙන බවත් ඒ මහතා වැඩිදුරටත් පැවසීය.
දුම්රිය ස්ථානය නැරඹීමට පැමිණි විට විශේෂයෙන් දුම්රියට නැගීමේදී හා බැසීමේදී ද දුම්රිය මාර්ගය හරහා ගමන් කිරීමේදී ද අනතුරු සිදු වීම වළක්වා ගැනීමට සැලකිලිමත් වන ලෙස රාජනායගම් මහතා ජනතාවගෙන් ඉල්ලීමක් ද කළේය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
