උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් සහ වාරිමාර්ග සහ ජල කළමනාකරණ නියෝජ්‍ය අමාත්‍ය ඩබ්ලිව්.බී. ඒකනායක යන මහත්වරුන්ගේ ප්රධානත්වයෙන් අද (25) පෙරවරු 7.15ට යෙදුණු සුභ මොහොතින් මංගල දියවර නිකුත් කෙරුණු අතර මහා සංඝරත්නයේ ආශිර්වාද මධ්‍යයේ අමාත්‍යවරුන් අතින් නිකුත් කෙරුණු මුල් ම ජල කඳට කිරි මුසු කිරීම මෙහිදී සිදු කෙරුණි.
පැරණි යෝධ ඇළ ඇතුළු වම් ඉවුර දකුණු ඉවුර යන ඇළ මාර්ගවල සොරොව් සියල්ල මේ අනුව විවෘත කළේය.
පසුගිය කන්නයේදී නිසි පරිදි ජලය නොලැබුණු ගොවීන්ට මෙවර කිසිදු ජල හිඟයකින් තොර ව ජලය නිකුත් කළ හැකි බවට මහවැලි අධිකාරිය විශ්වාසය පළ කරයි. කලාවැවේ මුළු ධාරිතාව වන අක්කර අඩි ලක්‍ෂයක ජල ධාරිතාවයෙන් අක්කර අඩි අසූ දෙදහසක් (82000) මේ වන විට පිරී පවතී.
මහවැලි එච් කලාපයේ නේවාසික ව්‍යාපාර කළමනාකාර එච්.එම්. කුමාරරත්න, කොට්ඨාස කළමනාකාර බී.එම්.සී. බණ්ඩාරනායක මහත්වරු ද මේ අවස්ථාවට එක්වූහ.
HC
