මෙහිදී තෝරාගනු ලැබූ ප්‍රතිලාභීන් වෙත වර්ග 7කින් සමන්විත වන එළවළු බීජ කට්ටලයක් ද, වර්ග 4කින් සමන්විත වන එළවළු පැළ 9ක්ද සමඟින් පළතුරු පැළ, පොල් පැළ, කුළුබඩු භෝග පැළ ද, විශේෂ බෝගයක් ලෙස කතුරුමුරුංගා පැළ ද බෙදා දීම සිදු කරනු ලැබීය.
එසේ ම ඉදිරියේ නැගෙනහිර කොළඹ මැතිවරණ කොට්ඨාසයේ, තිඹිරිගස්යාය - ටොරින්ටන් මහල් නිවාස ක්‍රීඩා ශාලාව, කිරුළ - මහාමාත්‍ය විද්‍යාලය, කිරුළපන - පූර්වාරාමය, ගෝතමීපුර - ලක් විදුහල ප්‍රජා ශාලාව, නැගෙනහිර පාමංකඩ - බලපොකුණ විහාරය, බටහිර පාමංකඩ - ධර්මෝධය විහාරය යන ස්ථානයන්හි දී ද අඩුආදායම්ලාභීන් වෙත පැළ බෙදා දීමට නියමිතය.
නාරාහේන්පිට ගෞතම විහාරාධිපති ඕමල්පේ සුමනරතන නායක හිමිපාණන් වහන්සේ, නාගරික මන්ත්‍රී එම්.ඒ.දේවිකා මහත්මිය, දිවිනැගුම ජාතික ව්‍යාපෘතියේ නිලධාරීන් සහ දිවිනැගුම ප්‍රතිලාභීහු ඇතුළු පිරිසක් මෙම අවස්ථාවට එක් ව සිටියහ.
ECB
