මෙම ණය යෝජනා ක්‍රමයේ සමාරම්භය රත්නපුර දිස්ත්‍රික්කයෙන් ලබන 03 වැනිදා විදුලිබල හා බලශක්ති අමාත්‍ය නීතිඥ පවිත්‍රා වන්නිආරච්චි මහත්මියගේ ප්‍රධානත්වයෙන් රත්නපුර, සබරගමුව පළාත්සභා ශ්‍රවණාගාරයේදී සිදු කෙරේ.
අදාළ වැඩසටහනේ දෙවෙනි හා තෙවෙනි අදියරයන් හම්බන්තොට සහ අම්පාර දිස්ත්‍රික්කවල ක්‍රියාත්මක කිරීමට සැලසුම් කර තිබෙන අතර විදුලිය නොමැති ග්‍රාමීය නිවාස හිමියන් සඳහා රුපියල් 40,000.00 සහන ණය මුදලක් හිමිවේ. එම මුදල නිවසට විදුලිය සම්බන්ධතාව ලබාගැනීමට සහ නිවසේ විදුලි රැහැන් ඇද ගැනීමට යොදාගත හැකිය. සහන ණය මුදල වසර හයක් තුළ විදුලිබිල සමඟ ගෙවා අවසන් කිරීමට ද අවස්ථාව සැලසේ. අඩු ආදායම්ලාභී ග්‍රාමීය නිවාසලාභීන් 47,000 කට පමණ මෙම ණය යෝජනා ක්‍රමය යටතේ ණය පහසුකම් සඳහා අවස්ථාව හිමිවේ.
ආර්ථික දුෂ්කරතා පවතින නිවාස හිමියන්ට ප්‍රදේශයේ විදුලි අධිකාරිවරයා හමුවී, සහන ණය මුදල වෙනුවෙන් සකසා ඇති අයදුම්පත්‍රය සම්පූර්ණ කර, අදාළ ණය මුදල ලබාගතහැකි බව, විදුලිබල හා බලශක්ති අමාත්‍යවරිය ප්‍රකාශ කරයි.
2014 වසර ඇතුළත විදුලිය නොමැති සියලු නිවාස සඳහා විදුලිය ලබාදීම රජයේ අපේක්ෂාව වී ඇති අතර එය කඩිනම් වැඩපිළිවෙළක් ලෙස ක්‍රියාවට නැගීමට ද විදුලිබල හා බලශක්ති අමාත්‍යාංශය පියවර ගෙන ඇත.
DB
