දිවිනැගුම සංවර්ධන දෙපාර්තමේන්තුවේ ඉදිරි සැලසුම් හා ප්‍රජා මූල සමිති නීතිගත කිරීමේ ක්‍රමවේදය සම්බන්ධයෙන් දිවිනැගුම දෙපාර්තමේන්තුවට අයත් නිලධාරීන් දැනුම්වත් කිරීමේ වැඩසටහනක් සමාජ සවිබලගැන්වීමේ හා සුබසාධන අමාත්‍ය එස්.බී. දිසානායක මහතාගේ ප්‍රධානත්වයෙන් අගෝස්තු මස 04 වැනිදා සවස 2.30 ට වැලිගම නගර සභා ශ්‍රවණාගාරයේ දී පැවැත්වේ.
මේ අවස්ථාව සඳහා ප්‍රදේශයේ දේශපාලන නායකත්වය හා මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මිය ප්‍රමුඛ රාජ්‍ය නිලධාරීන් හා මාතර දිස්ත්‍රික්කයේ දිවිනැගුම දෙපාර්තමේන්තුවට අයත් නිලධාරීන් 1,200 ට අධික පිරිසක් සහභාගි වීමට නියමිත ය.
මාතර දිස්ත්‍රික් දිවිනැගුම අධ්‍යක්ෂ සිරිල්.කේ.ලියනගේ මහතා ප්‍රමුඛ දිස්ත්‍රික් දිවිනැගුම අංශය මගින් වැඩසටහන සංවිධානය කෙරේ.
AP/DMU-Matara
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
