පළාත් මට්ටමෙන් සංවර්ධන කටයුතු කඩිනම් කිරීමේ අරමුණින් ජනාධිපතිවරයා සහ අග්‍රාමාත්‍යවරයාගේ උපදෙස් මත මෙම වැඩසටහන ක්‍රියාත්මක වන බවද ඔහු වැඩි දුරටත් පැවසීය.
පසුගියදා පැවති මධ්‍යම පළාත් සැසිවරායට සහභාගි වෙමින් ප්‍රධාන අමාත්‍යවරයා කරුණු අනාවරණය කළේය.
විමධ්‍යගත අරමුදල් මගින් ක්‍රියාත්මක කිරීමට අපේක්ෂිත යෝජනාවලට අමතරව වෙනත් යෝජනා ඇත්නම් පළාත් සභාව වෙත ලබාදීමට කටයුතු කරන ලෙස මෙහිදී දැනුම් දුන් ප්‍රධාන අමාත්‍යවරයා එම යෝජනා ලබා නොදුන් මධ්‍යම පළාත් මන්ත්‍රීවරුන් සිටී නම් කඩිනමින් ඒවා යොමු කරන ලෙසද දැනුම් දෙන ලදී.
මේ වසරේදී පළාත් සභා මන්ත්‍රීවරුන්ට ලක්ෂ 25ක විමධ්‍යගත ප්‍රතිපාදන ලබා දෙන අතර, විවිධ ව්‍යාපෘති සදහාද රජය මුදල් ලබාදීමට පියවරගෙන තිබෙන බැවින් වෙනත් වසර වලට සාපේක්ෂව සැලකිය යුතු සංවර්ධන කටයුතු ප්‍රමාණයක් ඉටු කිරීමට මධ්‍යම පළාත් සභාවට හැකියාව ලැබෙන බවද ප්‍රධාන අමාත්‍යවරයා පෙන්වා දෙන ලදී.
මන්ත්‍රීවරුන් විසින් ලබාදෙන ව්‍යාපෘති මුදල් කොමිසම වෙත එකවර ඉදිරිපත් කළ යුතු බැවින් සියළු යෝජනා හැකි ඉක්මණින් ප්‍රධාන අමාත්‍ය කාර්යාලය වෙත ලබාදෙන ලෙස පළාත් සභා මන්ත්‍රීවරුන්ගෙන් ප්‍රධාන අමාත්‍යවරයා ඉල්ලා සිටියේය.
AP/DMU-Kandy
