බස්නාහිර පළාත් ආයුර්වේද දෙපාර්තමේන්තුවේ ප්‍රජා සෞඛ්‍ය ඒකකය මගින් සංවිධානය කරනු ලබන අලුත් අවුරුදු දේශීය ආහාර වෙළඳපොළ හා ආයුර්වේද වෛද්‍ය ප්‍රදර්ශනය අද පෙරවරු 8.00 සිට රාත්‍රී 11.30 දක්වා මහරගම වත්තේගෙදර ක්‍රීඩා පිටියේදී පැවැත්වීමට නියමිතය.
එහි ආරම්භක උත්සවය බස්නාහිර පළාත් අමාත්‍ය ඉසුර දේවප්‍රිය මහතාගේ ප්‍රධානත්වයෙන් පැවැත්වේ.
නිරෝගී තරුණ පරපුරක් බිහි කිරීමේ අභිලාෂය ඇතිව වසවිසෙන් තොර දේශීය ආහාර සහ දේශීය වෛද්‍ය ක්‍රමය ප්‍රවර්ධනය කිරීමේලා මෙම ප්‍රදර්ශනය පැවැත්වීමට කටයුතු යොදා තිබේ.
මෙහි ප්‍රදර්ශන කුටි 12ක් විවෘත වන අතර රූපලාවන්‍ය, ජ්‍යෙතිෂය, සුව ගෙඋයන, දේශීය ආහාර, ඖෂධ පැළ, ෂඩ්රස, කාබනික එළවලු යන අංශ සඳහා මෙන්ම වකුගඩු රෝග නිවාරණය, මදුරු නාශක, විසිතුරු පැළ, කොළ කැඳ, හිසතෙල් ගෑම යන තේමා මුල් කර ගෙන ද ප්‍රදර්ශන කුටි වෙන් කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
