අක්කර 20ක භූමි ප්‍රමාණයක ව්‍යාප්තව ඇති මෙම උද්‍යානය තුළ ලංකාවේ වැවෙන සෑම කුළුබඩු වර්ගයක් ම ස්ථාපනය කිරීමට පියවර ගෙන ඇත.
ශ්‍රී ලංකාවේ කුළුබඩු වර්ග පිළිබඳ ව දේශීය මෙන්ම විදේශිය සංචාරකයන්ට නිවැරදි දැනුම මෙහිදී ලබා දීමට කටයුතු යොදා ඇති බව අපනයන කෘෂිකර්ම දෙපාර්තමේන්තුවේ අතිරේක අධ්‍යක්ෂ ජනරාල් ( පර්යේෂණ ) ආචාර්ය ඒ.පී . හීන්කෙන්ද මහතා පවසයි.
මේ වන විට කුළුබඩු වර්ග 25කට අධික සංඛ්‍යාවක් මෙම උද්‍යානය තුළ ස්ථාපනය කර ඇත. ඉදිරියේදී තවත් කුළුබඩු වර්ග වගා කිරීමටත් තොරතුරු මධ්‍යස්ථානයක්, දේශන ශාලාවක් හා අලෙවි මධ්‍යස්ථානයක් ද සහිතව අක්කර 100 ක භූමි ප්‍රමාණයක් පුරා මෙම උද්‍යානය සංවර්ධනය කිරීමටත් අපනයන කෘෂිකර්ම දෙපාර්තමේන්තුව සැලසුම්කර ඇත.
