ලෝක පරිසර දිනයට සමගාමීව පොලොන්නරු දිස්ත‍්‍රික්කයේ ගොවි ජනතාව සඳහා කුඹුක් පැළ බෙදා දීම උතුරු මැද පළාත් ප‍්‍රධාන අමාත්‍ය පේෂල ජයරත්න බණ්ඩාර මහතාගේ ප්‍රධානත්වයෙන් පසුගියදා බැඳිවැව දී සිදු කෙරිණි.
මෙහි මුල් අදියර සඳහා ගිරිතලේ ඒකාබද්ධ ගොවි සංවිධානය ඇතුළු ගොවි සංවිධාන 25ක් සඳහා කුඹුක් පැළ 250 බැගින් බෙදා දීම සිදු විය. මේ කුඹුක් පැළ කාණු, ඇළ රක්ෂිතවල හා රක්ෂිත ඉඩම්වල සිටුවන ලබන අතර ඒවා රැකබලාගැනීම අදාළ ගොවි සංවිධාන වෙත පැවරෙනු ඇත.
මෙම අවස්ථාවට ලාෆ් එකෝ ශ‍්‍රී ආයතනයේ මෙහෙයුම් අධ්‍යක්ෂ නලින් දිසානායක මහතා ඇතුළු එම සංවිධානයේ නිලධාරීහු සහ ගොවි මහතුන් විශාල පිරිසක් සහභාගී වූහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
