බැදුම්කර වාර්තා සියල්ල පාර්ලිමේන්තුවට ලබාදෙන බවත් කිසිදු ලෙසකින් සැඟවීමක් සිදු නොවන බවත් ධීවර හා ජලජ සම්පත් සංවර්ධන අමාත්‍ය මහින්ද අමරවීර මහතා පවසයි.
අමාත්‍යවරයා අද (24) පාර්ලිමේන්තුවේ දී මේ බව සඳහන් කළේ, මහබැංකු බැදුම්කර වාර්තාව සම්බන්ධයෙන් සභාවේ පැන නැගුණු විවාදයකට පිළිතුරු ලබාදෙමිනි.
බැදුම්කර වාර්තාවේ සියලු වාර්තාවල කිසිදු දෙයක් සඟවන්නට අවශ්‍යතාවක් නොමැති බවත් ඒ සඳහා කිසිදු ඉඩක් නොතබන බවත් සියලු වාර්තා පාර්ලිමෙන්තුවට ඉදිරිපත් කරන බවත් සඳහන් කළ අමාත්‍යවරයා, මෙම
වාර්තා පාර්ලිමේන්තුවට ඉදිරිපත් කිරීමට ප්‍රථම කිසිදු දේශපාලඥයකු වෙත ලබා දී නැතැයි ද පාර්ලිමේන්තුවේ දී පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
