අනතුරුව මල්වතු පාර්ශ්වයේ මහානායක අතිපූජ්‍ය තිබිබටුවාවේ ශී‍්‍ර සුමංගල නායක හිමිපාණන් වහන්සේ බැහැදැක උන්වහන්සේ සමග කෙටි පිළිසදරක නිරත විය.
ඉන් අනතුරුව ජනාධිපතිවරයා පැමිණියේ අස්ගිරි ගෙඩිගේ රාජ මහා විහාරය වෙතයි.
එම විහාරස්ථානය ද වැදපුදාගත් ජනාධිපතිවරයා විහාරාධිපති ශාස්ත‍්‍රපති පණ්ඩිත පූජ්‍ය වේඩරුවේ උපාලි නායක හිමිපාණන් වහන්සේ බැහැදැක සුවදුක් විමසීය.
උන්වහන්සේ සමග කෙටි පිළිසදරක නිරත වෙමින් අස්ගිරි විහාරයේ ඓතිහාසික පසුබිම පිළිබදව ද සාකච්ජා කළ ජනාධිපතිවරයා විහාරස්ථානය ආශි‍්‍රත ඓතිහාසික ලිපි ලේඛන ද නිරික්ෂණය කරනු ලැබීය.
අනතුරුව විහාර පරිශ‍්‍රයේ නිරික්ෂණ චාරිකාවක නිරත වෙමින් එහි පෞරාණික ස්ථාන නැරඹීය.
දැනට මහනුවර ශී‍්‍ර දළදා මාළිගාව ආශි‍්‍රතව ඇති විහාරස්ථාන අතර ඉපැරණි විහාරය ලෙස අස්ගිරි ගෙඩිගේ විහාරය සැලකේ.
ඓතිහාසික පුරාවිද්‍යාත්මක වටිනාකමකින් යුත් අස්ගිරි ගෙඩිගේ විහාරය හා බැදුණු අතීත පුරාවෘත්ත රැසක් ද ඇත.ජනාධිපතිවරයා සමඟ මෙම අවස්ථාවට මධ්‍යම පළාත් ප‍්‍රධාන අමාත්‍ය සරත් ඒකනායක මහතා ද එක්ව සිටියේය.
