පසුගිය දා පාර්ලිමේන්තුවේ සභාගර්භය මධ්‍යයේ මන්ත්‍රීවරු දෙපිරිසක් අතර ඇති වූ ගැටම සම්බන්ධයෙන් කතානායකවරයා විසින් නියෝජ්‍ය කතානායක තිලංග සුමතිපාල සහ කාරකසභ සභාපති එස්.අඩෙක්කලනාදන් යන මහත්වරුන්ගේ ප්‍රධානත්වයෙන් පත් කළ කමිටුව මඟින් ඉදිරිපත් කළ නිර්දේශ අනුව මෙම මන්ත්‍රීවරුන් දෙදෙනාගේ සේවය තාවකාලිකව අත් හිටුවීමේ යෝජනාව කතානායකවරයා විසින් පාර්ලිමේන්තුවට දන්වා සිටි අතර සභානායක,අමාත්‍ය ලක්ෂ්මන් කිරිඇල්ල මහතා විසින් අදාළ යෝජනාව සභාව වෙත ඉදිරිපත් කළේ ය.
ඒ අනුව මන්ත්‍රීවරු දෙදෙනාගේ පාර්ලිමේන්තු සේවය තාවකාලිකව අත් හිටුවීමට සභාවේ අනුමැතිය ලැබුණු අතර මෙම තීරණය හෙට සිට (06) ක්‍රියාත්මක වන බව කතානායක කරූ ජයසූරිය මහතා සභාව වෙත දැනුම් දෙන ලදී.
