කොළඹ ලංකා විපස්සනා භාවනා මධ්‍යස්ථානයේ වස් වාසය කරන භික්ෂූන් වහන්සේලා වෙත වස් ආරාධනා කිරීමේ පිංකම පසුගියදා ඇසළ පුන් පසළොස්වක පොහෝ දින ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.
ලංකා විපස්සනා භාවනා මධ්‍යස්ථානයේ මධ්‍යස්ථානාධිපති කම්මට්ඨානාචාර්ය පූජ්‍ය මීතලාවේ විනීත ස්වාමීන් වහන්සේ ප්‍රධාන භික්ෂූන් වහන්සේලා වෙත දැහැත් ගොටුව පිළිගන්වා වස් ආරාධනා කිරීම ජනාධිපතිතුමා අතින් සිදු විය.
ලංකා විපස්සනා භාවනා මධ්‍යස්ථානයේ භික්ෂූන් වහන්සේලා 14 නමක් මෙම වස්කාලය තුළ වස් සමාදන් වීමට නියමිතය.
කම්මට්ඨානාචාර්ය මීතලාවේ විනීත ස්වාමීන් වහන්සේ ප්‍රධාන භික්ෂූන් වහන්සේලා විසින් මෙහිදි සෙත් පිරිත් සජ්ජායනා කර ජනාධිපතිතුමා වෙත ආශිර්වාද පළ කළහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
