ජාතික මැණික් හා ස්වර්ණාභරන අධිකාරියේ පතල්වල සේවය කරමින් සිටියදී මියගිය සහ ආබාධිත තත්ත්වයට පත්වූවන් වෙනුවෙන් වන්දි ප්‍රදානය කිරීම ගරු ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් අද (17) පෙරවරුවේ ජනාධිපති කාර්යාලයේදී සිදු විය.
ලුණුගල ප්‍රදේශයේ පතලක් කඩා වැටීමෙන් සහ ගිලීමලේ ප්‍රදේශයේ පතලක සිදුවූ විෂ වායු කාන්දුව හේතුවෙන් මියගිය සහ අබාධිත තත්ත්වයට පත්වූ පුද්ගලයින් පස් දෙනෙකු වෙනුවෙන් වන්දි ප්‍රදානය කිරීම මෙහිදී ජනාධිපතිතුමා අතින් සිදු විය.
මිය ගිය පුද්ගලයෙක් වෙනුවෙන් රුපියල් ලක්ෂ 05 ක වන්දි මුදලක් ප්‍රදානය කෙරුණු අතර ආබාධිත වූවන් වෙනුවෙන්ද මුදල් ප්‍රදානයන් සිදු කෙරිණි.
අමාත්‍ය රංජිත් සියඹලාපිටිය, මැණික් හා ස්වර්ණාභරන අධිකාරියේ සභාපති අරුණ ගුණවර්ධන යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
