අද උදෑසන 05.30ට නිකුත් කරන ලද කාලගුණ අනාවැකියට අනුව අපරභාගයේදී හෝ සන්ධ්‍යා කාලයේ දී ඌව සහ නැගෙනහිර පළාත්වල තැනින් තැන ගිගුරුම් සහිත වැසි වර්ධනය වේ.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ප්‍රධාන නගර සඳහා කාලගුණ අනාවැකිය

මඩකළපුවට ත්‍රිකුණාමලයට අපරභාගයේදී හෝ සන්ධ්‍යා කාලයේදී ගිගුරුම් සහිත වැසි.

අනුරාධපුරයට කොළඹට ගාල්ලට නුවරඑළියට මහනුවරට රත්නපුරයට වැසි වාර කිහිපයක් ඇති වේ.

යාපනයට මන්නාරමට වැසි ස්වල්පයක් ඇතිවිය හැක.

උෂ්ණත්වය හා වර්ෂාපතනය

අද උදෑසන 5.30 වනවිට මි.මී. 81.9ක වර්ෂාපතනයක් ගාල්ලෙන් ද මි.මී. 8.6ක වර්ෂාපතනයක් කොළඹින් ද මි.මී. 18.7ක වර්ෂාපතනයක් කටුනායකින් ද මි.මී. 19.7ක වර්ෂාපතනයක් නුවරඑළියෙන් ද මි.මී. 46.7ක වර්ෂාපතනයක් රත්නපුරයෙන් ද මි.මී. 27.7ක වර්ෂාපතනයක් පුත්තලමෙන් ද මි.මී. 27.8ක වර්ෂාපතනයක් රත්මලානෙන් ද වාර්තා වී තිබේ.

අද උපරිම උෂ්ණත්වය සෙල්සියස් අංශක 31.°C රත්නපුරයෙන් ද අවම උෂ්ණත්වය සෙල්සියස් අංශක 13.0°C නුවරඑළියෙන් ද අපේක්ෂා කෙරේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 30.9°C මඩකළපුව ප්‍රදේශයෙන් ද අවම උෂ්ණත්වය සෙල්සියස් අංශක 13.5°C නුවරඑළියෙන් ද මි.මී. 76.1ක උපරිම වර්ෂාපතනය ගල්ගමුව ප්‍රදේශයෙන් ද වාර්තා වී තිබේ.

HC