අද (08) මධ්‍යම රාත්‍රියේ සිට ක්‍රියාතමක කිරීමට නියමිතව තිබූ දුම්රිය වැඩ වර්ජනය අත්හිටුවීමට සියළුම දුම්රිය වෘත්තීය සමිති එකග වී ඇතැයි අග්‍රාමාත්‍ය කාර්යාලය නිවේදනය කරයි.
ප්‍රවාහන හා සිවිල් ගුවන් සේවා නියෝජ්‍ය ඇමති අශෝක් අබේසිංහ සහ අග්‍රාමාත්‍ය ලේකම් සමන් ඒකනායක යන මහත්වරුන් සමග අද සවස පැවති සාකච්ඡාවකින් පසු මෙම තීරණය ගෙන තිබේ.
දුම්රිය දෙපාර්තමේන්තුවේ සියළුම ශ්‍රේණි සඳහා මාස තුනක් ඇතුලත නව වැටුප් ව්‍යුහයක් සකස් කිරීමට කමිටුවක් පත් කිරීම ඇතුළු ප්‍රධාන ඉල්ලීම් 3ක් සඳහා ඉදිරිපත් වූ විසඳුම් වලට දුම්රිය දෙපාර්තමේන්තුවේ වෘත්තීය සමිති එකග වූ බවත් ඒ අනුව යෝජිත වැඩ වර්ජනය අත්හිටුවීමට තීරණය කල බවත් අග්‍රාමාත්‍ය කාර්යාලය පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
