දහස් ගණනක් බැතිමතුන්ගේ සහභාගීත්වයෙන් පැවැති මෙම පූජෝත්සව සභාවේ මුලසුන දැරූ ජ්‍යෙෂ්ඨ කතිකාචාර්ය දර්ශනපති අක්මීමන ධම්මපාල හිමිපාණන් වහන්සේ බුද්ධංගල ආරණ්‍ය සේනාධිපති රාජකීය පණ්ඩිත දීඝවාපියේ සුසීම හිමිපාණන්වහන්සේ සහ බුද්ධංගල ආනන්ද හිමියන් මෙහිදී අනුශාසනා පැවැත්වූහ.
මෙහිදී කථානායක කරු ජයසූරිය මහතා සඳහන් කළේ එක්සත් ජාතීන්ගේ වෙසක් උළෙළත් සමග බෞද්ධ ලෝකයේ අවධානය අප රටට යොමුව ඇති මොහොතක මුළු ලොවටම ආදර්ශයක් දීමේ අවස්ථාව අපට ලැබී ඇති බවය.
ඉන් අනතුරුව ඓතිහාසික දීඝවාපිය සහ දීඝවාපී පරිවාර චෛත්‍ය පුදබිම් 02 වෙත ද ගිය කථානායක කරු ජයසූරිය මහතා පෙහෙවස් සමාදන් වූ බැතිමතුන් උදෙසා සිදු වූ දානමය කටයුතු සහා දායක විය.
මෙම අවස්ථාව නියෝජ්‍ය ඇමතිනි අනෝමා ගමගේ, පාර්ලිමේන්තු මන්ත්‍රීනි ශ්‍රියාණි විජේවික්‍රම, හිටපු අමාත්‍ය පී.දයාරත්න යන මහත්ම මහත්මීහු ද එක් වූහ.
