අදට යෙදී ඇති ලෝක වනජීවි දිනය නිමිත්තෙන් මෙරට වනජීවි සංරක්ෂණය වෙනුවෙන් කැපවූ පුද්ගලයන් සහ නිලධාරින් ඇගයීම හා ඔවුන්ට සම්මාන ප‍්‍රදානය වෙනුවෙන් තිරසර සංවර්ධන හා වනජීවි අමාත්‍යාංශය විසින් සංවිධානය කරන ලද, සේවා ප‍්‍රසාදනී අභිසෙස් උළෙල, ජනාධිපති ගරු මෛතී‍්‍රපාල සිරිසේන මැතිතුමාගේ ප්රධානත්වයෙන් ඊයෙ (03) පෙරවරුවේ කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේදී පැවැත්විණි.
අතිවිශිෂ්ට පූර්ණ සේවා සම්මාන 10 ක් මෙහිදී ජනාධිපතිතුමා අතින් පිළිගැන්විණි.
තිරසර සංවර්ධන හා වනජීවි අමාත්‍ය ගාමිණි ජයවික‍්‍රම පෙරේරා මහතා විසින් ජනාධිපතිතුමා වෙත ද විශේෂ සමරු තිළිණයක් පිළිගැන්වීය.
තිරසර සංවර්ධන හා වනජීවී නියෝජ්‍ය ඇමතිනි සුමේධා ජී. ජයසේන, අමාත්‍යාංශ ලේකම් ආර්.එම්.බී.ඩී. මීගස්මුල්ල යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
