රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවේදී අමාත්‍යවරයා මේ බව සඳහන් ඊයේ (30) සඳහන් කළේය.

ඒ අනුව අනිද්දා (02) කොළඹ නිදහස් චත්‍රරශ්‍රයේ නිදහස් මන්දිරයේ දී සර්ව රාත්‍රික පරිත්‍රාණ ධර්ම දේශනාවක් පැවැත් වේ.

ලබන 03 වැනි දා පෙරවරුවේ බම්බලපිටිය වජිරාරාම විහාරස්ථානයේදී සංඝගත දක්ෂිණාවක් පිළිගැන්වීම සිදු වේ.

ජාතික නිදහස් දිනය යෙදී තිබෙන පෙබරවාරී 4 වැනි දා බෞද්ධ ආගමික වතාවත් කොළඹ පොල්වත්ත ධාර්මකීර්ත්‍යාරාම විහාරස්ථානයේදී සිදු කෙරෙන අතර හින්දු ආගමික වතාවත් කොළඹ 13 ශ්‍රී පොන්නම්බලම් වානේෂ්වරර් කොවිලේදී සිදු කිරීමට නියමිතය.

ඉස්ලාම් ආගමික වතාවත් කොළඹ 12 මහ පල්ලි දේවස්ථානයේදී සිදු කිරීමට නියමිතය අතර කතොලික දේව මෙහෙය තිබිඹිරිගස්යාය ශාන්ත තෙරේසා දේවස්ථානයේදී සිදු කෙරේ.

ක්‍රිස්තියානි දේව මෙහෙය බොරැල්ල ශාන්ත ලූක් දේවස්ථානයේදී සිදු කිරීමට නියමිත බව ද අමාත්‍යවරයා පෙන්වා දුන්නේය.

මීට සමගාමීව මහාතාන්‍ය ඩී.එස්. සේනානායක මැතිතුමාගේ පිළිරුව අභියස පුෂ්පෝපහාර පිරිනැමීම සිදු කෙරෙන බව ඒ මහතා වැඩිදුරටත් පැවසීය.