අර්ජුන් මහේන්ද්‍රන් මහතා රජයේ තනතුරක් තවමත් හොබවන බවත් ඔහු අග්‍රාමාත්‍යවරයාගේ විදේශ සංචාරවල පවා සහභාගි වන බව ඇඟවීමට සිරස මාධ්‍ය ජාලයේ ප්‍රවෘත්ති ප්‍රකාශය මඟින් පැරණි දර්ශන කිහිපයක් උපයෝගී කර ගනිමින් ජනතාව නොමඟ යැවීම සඳහා වංචනික උත්සාහයක යෙදෙන බව පෙනේ.
අර්ජුන් මහේන්ද්‍රන් මහතා මේ රජයේ කිසුදු තනතුරක් මේ වන විට නොදරන බව මලික් සමරවික්‍රම අමාත්‍යවරයා අද පාර්ලිමේන්තුමේදී ප්‍රකාශ කර තිබියදීත් පැරණි දර්ශන හා පුවත්පත් නිවේදන හුවා දක්වමින් පළ කරන සාවද්‍ය ප්‍රවෘත්ති පාර්ලිමේන්තුවට කරන අපහාසයක් ද වේ.
පසුගිය සතියේ අග්‍රාමාත්‍යවරයා සහභාගිවූ ස්විට්සර්ලන්ත චාරිකාවට අර්ජුන් මහේන්ද්‍රන් මහතා සහභාගි නොවූ බව ද අග්‍රාමාත්‍ය කාර්යාලය ප්‍රකාශ කරයි.
මෙවැනි අසත්‍ය තොරතුරු වාර්තා කිරීම මාධ්‍ය සදාචාරය පමණක් නොව විද්‍යුත් මාධ්‍යයේ නෛතික බැඳීම්ද උල්ලංඝන කිරීමකි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
