මහමැතිවරණයේ ඡන්ද ප්‍රතිඵල මේ වන විට නිකුත් කෙරෙමින් පවතින අතර දිවයින පුරා සාමකාමී වාතාවරණයක් තිබෙන බව සහකාර පොලිස් අධිකාරී පොලිස් මාධ්‍ය ප්‍රකාශක රුවන් ගුණසේක මහතා රජයේ නිල පුවත් වෙබ් අඩවියට අද පැවසීය.
මේ වන විට දිස්ත්‍රික්කවල සමස්ත ඡන්ද ප්‍රතිඵල ද නිකුත් කෙරෙමින් පවතින අතර එම දිස්ත්‍රික්කවලින් ඒ ඒ පක්ෂ ලබා ගන්නා මන්ත්‍රී ධූර සංඛ්‍යාව ද ප්‍රකාශයට කෙරේ.
ජයග්‍රහණය කරන කණ්ඩායම් පරාජයට පත් වූ පිරිසට කිසිම ආකාරයෙන් හිංසාවක් කායික හෝ මානසිකව පීඩාවක් ඇති නොකර ඉතාමත් සාමකාමී ලෙස සියලු දෙනාම මැතිවරණ ප්‍රතිඵලයේ ජයග්‍රහණය භුක්ති විදින ලෙස ජනාධිපති මෛත්‍රීපාල සිරිසේන මහතා ද ඊයේ විශේෂ ප්‍රකාශනයක් නිකුත් කරමින් ජනතාවගෙන් ඉල්ලා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
