උතුරු මුහුදේ මුර සංචාරය සඳහා යොදවා තිබූ නාවික යාත්‍රාවක්, මුහුදේ පාවෙමින් තිබූ ට්‍රෝලර් යාත්‍රාව නිරීක්ෂණය කිරීමෙන් අනතුරුව නාවික හමුදාව ක්ෂණිකව ක්‍රියාත්මක වී ඔවුනට අවශ්‍ය තාක්ෂණික සහය ලබාදීමට ඉදිරිපත් වී ඇත.
මුහුදේ රළු ස්වභාවය හේතුවෙන් වෙහෙසට පත්ව සිටි ධීවරයන් පිරිසට අවශ්‍ය ආහාර පාන ලබාදීමට ද මෙහිදී නාවික හමුදාව කටයුතු කළේය.
නාවික හමුදාව, අනතුරට පත් ට්‍රෝලර් යාත්‍රාව හා ධීවරයන් පිළිබඳ ඉදිරි කටයුතු සඳහා ශ්‍රී ලංකාවේ ඉන්දීය මහකොමසාරිස් කාර්යාලය දැනුවත් කිරීමට කටයුතු කළ අතර, එම ස්ථානයට නාවික හමුදා යාත්‍රාවක් යෙදවීමට ද කටයුතු කළේය.
වඩාත් විනයගරුක නාවික හමුදාවක් වශයෙන් ශ්‍රී ලංකා නාවික හමුදාව අවස්ථා රැසකදී අප මුහුදු සීමාව තුළ මෙසේ අනතුරටපත් වන ඉන්දීය ධීවරයන් හා යාත්‍රා බේරා ගැනීමට කටයුතු කර ඇත.
දැනුවත්වම ශ්‍රී ලංකා මුහුදු සීමාවට ඇතුළුවී නීති විරෝධී ධීවර කටයුතුවල යෙදෙන ඉන්දීය ධීවරයන් හා යාත්‍රා අත්අඩංගුවට ගැනීමට නාවික හමුදාව කටයුතු කළ ද, යම් අනතුරකට හෝ ආපදාවකට ලක්වු අවස්ථාවලදී ඔවුන් බේරා ගැනීමට හා අවශ්‍ය සහන සැලසීමට නිරතුරුවම කටයුතු කරනු ලබයි.
DB
