කටුනායක ගුවන් තොටුපළ පරිශ්‍රයේ ඊයේ (10) නිරීක්ෂණ චාරිකාවකට එක් වෙමින් අමාත්‍යවරයා මෙම උපදෙස් ලබා දී ඇත.
ඒ අනුව ගුවන් යානා ප්‍රමාදවීමේදී ඒ පිළිබඳ තොරතුරු ක්ෂණිකව ගුවන් යානා මගීන්ට සන්නිවේදනය කිරීමට විශේෂ වැඩපිළිවෙළක් සකස් කරන ලෙසත් ඒ සඳහා පැය 24 පුරා ක්‍රීයාත්මක වන විශේෂ ඒ්කකයක් කඩිනමින් ස්ථාපිත කරන ලෙසත් එහිදී අමාත්‍යවරයා උපදෙස් ලබා දී තිබේ.එසේම එම ප්‍රමාද කාලසීමාවේදී මගීන්ට උපරිම පහසුකම් ලබා දීමට අවශ්‍ය වන බවත් එම ප්‍රමාදයන් හැකිතාක් අවසන් කිරීමට පියවර ගන්නා ලෙසත් අමාත්‍යවරයා වැඩිදුරටත් සඳහන් කළේය.
එම නිරීක්ෂණ චාරිකාවේදී ගුවන් තොටුපළේ සියලු අංශ කෙරෙහි අවධානය යොමු කළ අමාත්‍යවරයා ගැටලු රැසක් හඳුනාගෙන ඇති අතර එම ගැටලු කඩිනමින් විසඳන ලෙසද නිලධාරීන්ට උපදෙස් ලබා දී තිබේ.
