Kamoshida මහතා සමඟ ජපාන තානාපති කාර්යාලයේ ආරක්‍ෂක උපදේශක, කපිතාන් Yuki Yokohari ද ආරක්‍ෂක අමාත්‍යංශ පරිශ්‍රය වෙත පැමිණ සිටි අතර, ආරක්‍ෂක ලේකම් එයාර් වයිස් මාර්ෂල් (විශ්‍රාමික) තුයියකොන්තා මහතා ජපාන නියෝජිත පිරිස ඉතා උණුසුම් ලෙස පිළිගෙන සුහද කතාබහක නිරත විය.
මෙහිදි, ආරක්‍ෂක සහයෝගීතාව සහ ද්විපාර්ශ්වික සබඳතා වැඩිදියුණු කිරීමේ මාර්ග පිළිබඳ නිලධාරීන් දෙදෙනා අදහස් හුවමාරු කරගත් අතර, දෙරට අතර පවතින ඓතිහාසික සබඳතාවය ද සිහිපත් කෙරිණි.
මෙම අවස්ථාව සනිටුහන් කරමින් ආරක්‍ෂක ලේකම්වරයා සහ Kamoshida මහතා අතර සමරු තිළිණ හුවමාරුවක් ද සිදුවිය. ආරක්‍ෂක අමාත්‍යාංශයේ හමුදා සම්බන්ධතා නිලධාරී එයාර් වයිස් මාර්ෂල් පද්මන් ද කොස්තා ද මෙම අවස්ථාවට සහභාගි විය.
