කි.මි 2 ක දිගින් යුතු මෙම මාර්ගයේ පැවති අබලන් තත්වය හේතුවෙන් ප්‍රදේශයේ ජනතාව අපහසුතා රැසකට මුහුණ දී තිබිණි. ග්‍රාමීය මාර්ග සංවර්ධන රාජ්‍ය අමාත්‍ය, මඩකලපු දිස්ත්‍රික් සංවර්ධන කමිටුවේ සභාපති, ශිවනේසතුරෛ චන්ද්‍රකාන්තන් මහතාගේ ඉල්ලීම පරිදි මාර්ග සංවර්ධන අධිකාරිය මඟින් මෙම මාර්ගය ප්‍රතිසංස්කරණ කටයුතු සිදුකර තිබේ.
කල්මුනේ සහ මඩකලපුව නගර අතර ගමන් කිරීමේ දී දෛනිකව අති විශාල රථ වාහන තදබදයක් ඇති වන මඩකලපුව කලවන්චිකුඩි මංසන්ධියේ, පදිකයින් සහ රියදුරන් මුහුණ දෙන අපහසු තත්වය මඟ හැරවීම සඳහා රථවාහන ආලෝක සංඥා පද්ධතිය ස්ථාපනය කිරීමේ ව්‍යාපෘතියේ සමාරම්භක අවස්ථාවට ද අමාත්‍යවරයා එදින එක් වී තිබේ.
මෙම අවස්ථාවට ප්‍රවාහන හා මහාමාර්ග අමාත්‍යංශ ලේකම් රංජිත් ගංගානාත් රූබසිංහ මහතා, මාර්ග සංවර්ධන අධිකාරියේ සභාපති චමින්ද අතුළුවගේ මහතා, මාර්ග සංවර්ධන අධිකාරියේ අධ්‍යක්ෂ ජනරාල් ප්‍රියන්ත සූරිය බණ්ඩාර මහතා ඇතුළු මාර්ග සංවර්ධන අධිකාරියේ නිලධාරින්, ප්‍රදේශයේ රාජ්‍ය නිලධාරීන් මහජන නියෝජිතයින් ඇතුළු විශාල පිරිසක් එක්ව සිටියහ.
