මෙහිදී අදහස් දැක් වූ අග්‍රාමාත්‍යවරයා මෙස් පැවසීය,
“දේශපාලන නියෝජනයේ වගකීම් බෙදා ගැනීමේ අයිතිය ඉල්ලා සිටීම සඳහා ලොව පුරා සිටින සියලුම රජයන් හරහා කාන්තාවන්ට, විශේෂයෙන් මෙම සංවිධානවලට ලබා දිය හැකි අඛණ්ඩ අරගල, බලපෑම සහ වෙනස්වීම් පිළිබඳ කාරණයකි. පළාත් පාලන ආයතන තුළ ස්ත්‍රී පුරුෂ සමානාත්මතාවය ශක්තිමත් කිරීම සඳහා සාමූහික කැපවීම මම අගය කරනවා. ශ්‍රී ලංකාව ඇතුළු රටවල අඛණ්ඩ උත්සාහයන් තිබියදීත්, තේරී පත් වූ ආයතනවල කාන්තා නියෝජනය අසතුටුදායක මට්ටමක පවතිනවා.
කාන්තා නියෝජනය තවදුරටත් ඉහළ නැංවීමේ අවශ්‍යතාවය හඳුනා ගනිමින්, මීට වසර කිහිපයකට පෙර මා සභාපති වූ මැතිවරණ ප්‍රතිසංස්කරණ පිළිබඳ පාර්ලිමේන්තු විශේෂ කාරක සභාව, තේරී පත් වූ ආයතනවල කාන්තා සහ තරුණයන් සඳහා 25% ක නියෝජනයක් හදුන්වාදෙනු ලැබුවා. 2018 දී, මෙම කෝටා ක්‍රමය හඳුන්වා දුන් අතර එය තවදුරටත් පුළුල් කළ යුතු බව අපි විශ්වාස කරනවා. දේශපාලන පක්‍ෂ අතර සම්මුතියක් තිබුණත් අවශ්‍ය ව්‍යවස්ථා සංශෝධන තවමත් සිදු වීමට තිබෙනවා. මේවා අපි කවුරුත් මුහුණ දෙන ගැටලු. සරල බහුතරයකට නීති සම්පාදනය කරන්න පුළුවන්. තුනෙන් දෙකක අනුමැතියකින් යුත් විශේෂ බහුතරයකට ද නීති සම්පාදනය කළ හැකි නමුත් ව්‍යවස්ථානුකූලව අපේ රටේ ශ්‍රේෂ්ඨාධිකරණයක් ජනමත විචාරණයක අවශ්‍යතාවක් ප්‍රකාශ කරනවා.
වසර ගණනාවකට පෙර එක්සත් ජාතීන්ගේ සංවිධානය ප්‍රකාශ කළේ ආහාර, ඇඳුම් පැළඳුම් සහ නවාතැන් සෑම මිනිසෙකුගේම අත්‍යවශ්‍ය අයිතිවාසිකමක් බවයි. අපි මෙම ඉලක්කයට ළඟා වී තිබෙනවාද? නැහැ, ලොව පුරා බොහෝ සමාජ තවමත් මේ ඉලක්ක කරා ළඟා වීමට අරගල කරනවා. ස්ත්‍රී පුරුෂ සමානාත්මතාවයේ ඉතිහාසය ගැන ශ්‍රී ලංකාවට ආඩම්බර වෙන්න පුළුවන්. 1931 දී ලෝකයේ වැඩිහිටි ඡන්ද බලය හඳුන්වාදීමත් සමඟ අපේ කාන්තාවන්ට පිරිමින්ට හා සමානවම ඡන්දය ප්‍රකාශ කිරීමේ අයිතිය ලබා දුන්නා. එපමණක් නොව, කාන්තා අගමැතිනියක් බිහි කළ පළමු ජාතිය ශ්‍රී ලංකාව වූ අතර කාන්තාවන්ට ඡන්ද අයිතිය, නායකත්ව අවස්ථා සහ සමාන වැටුප් ලබා දීමේ පුරෝගාමියා ද ලංකාවයි.
ඉන්දියාව, පකිස්ථානය, බංග්ලාදේශය, නේපාලය, මාලදිවයින, බහමාස්, කැරිබියන් රටවල්, අප්‍රිකානු ජාතීන් සහ යුරෝපය ඇතුළු පොදුරාජ්‍ය මණ්ඩලීය රටවල් රාශියක සම්භාවනීය අමුත්තන් සහ රාජ්‍ය තාන්ත්‍රිකයන් විශාල පිරිසක්, ඉදිරිපත් කිරීම් වලට සහ සැසිවාරවලට සහභාගී වීමට පැමිණ සිටියහ.
පොදුරාජ්‍ය මණ්ඩලීය පළාත් පාලන සංසදයේ මහලේකම් ආචාර්ය කාල් රයිට්, පොදුරාජ්‍ය මණ්ඩලීය පළාත් පාලන සංසදයේ මහලේකම් ලුසී ස්ලැක්, පොදුරාජ්‍ය මණ්ඩලීය කාන්තා පළාත් පාලන ජාලයේ සභාපතිනි ෆ්‍රාසෙට් ගිබ්සන්, ශ්‍රී ලංකාවේ සහ මාලදිවයිනේ කැනඩා මහ කොමසාරිස් එරික් වොල්ෂ් , රත්නපුර නාගරික කොමසාරිස් අනුර ප්‍රේමරත්න, ශ්‍රී ලංකා පළාත් පාලන ආයතන සම්මේලනයේ ප්‍රධාන විධායක නිලධාරී හේමන්ති ගුණසේකර, සහයෝගිතා ප්‍රධානී ජොහාන් හෙසේ, යුරෝපා සංගමයේ නියෝජිත පිරිසක්, පොදුරාජ්‍ය මණ්ඩලීය පළාත් පාලන සංසදයේ සහ ශ්‍රී ලංකා පළාත් පාලන ආයතන සම්මේලනයේ අධ්‍යක්ෂ මණ්ඩල සාමාජිකයින් මෙන්ම පොදුරාජ්‍ය මණ්ඩලීය රටවල නියෝජිතයින් මෙම අවස්ථාවට එක්ව සිටිය හ.
