දියගම, පිටිපන, දාම්පේ, මීගොඩ, ගොඩගම, පනාගොඩ, හෝමාගම ආවරණය වන පරිදි කිලෝමීටර 13ක් පුරා පැතිරෙන පරිදි මෙවර පොසොන් කලාපය සංවිධානය කර ඇත. පොසොන් කලාපය සඳහා මුද්‍රිත හා ඩිජිටල් අනුග්‍රාහකත්වය ලේක්හවුස් ආයතනය මඟින් සපයනු ලැබේ. විද්‍යුත් මාධ්‍ය අනුග්‍රහය ස්වාධීන රූපවාහිනිය, ජාතික රූපවාහිනිය සහ ජාතික ගුවන් විදුලිය මඟින් සපයනු ලැබේ. මේ පහන් කූඩු තරගයේ ජයග්‍රාහකයන් සඳහා රුපියල් ලක්ෂ 40ක මුදල් තෑගි පිරිනැමීමට කටයුතු යොදා තිබේ. හෝමාගම ශාසනාරක්ෂක බලමණ්ඩලය, ජනාධිපති ලේකම් කාර්යාලය, ජනමාධ්‍ය, ප්‍රවාහන හා මහාමාර්ග අමාත්‍යාංශය, බස්නාහිර පළාත් සභාව, හෝමාගම ප්‍රාදේශීය ලේකම් කාර්යාලය, හෝමාගම ප්‍රාදේශීය සභාව, හෝමාගම කලාප අධ්‍යාපන කාර්යාලය, ශ්‍රී ලංකා යුද හමුදාව සහ ශ්‍රී ලංකා පොලිසිය ඒකාබද්ධව ධර්ම රශ්මි පොසොන් කලාපය සංවිධානය කරයි.
