අයහපත් කාලගුණ තත්ත්වය හේතුවෙන් පීඩාවට පත් ජනතාවට සහන සැලසීම සඳහා පිසූ ආහාර සහ වියලි ආහාර ලබා දීමට පවුලක් වෙනුවෙන් මීට පෙර ලබා දුන් මුදල 33%කින් ඉහළ නැංවීමට කටයුතු කළ බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා කියයි.
ආපදා කළමනාකරණ විෂය භාර ආරක්ෂක අමාත්‍යාංශයේ ලේකම්වරයා විසින් මීට අදාළ ඉල්ලීම කර තිබූ අතර ඊට ජනාධිපතිවරයා විසින් කඩිනමින් අනුමැතිය ලබා දුන් බවයි අමාත්‍යවරයා සඳහන් කළේ. මීට අමතරව පීඩාවට පත් ජනතාව වෙත තව දුරටත් සහන ලබා දිම සඳහා ඉල්ලා තිබූ අතිරේක මුදල් ද ක්ෂණිකව දිස්ත්‍රික් ලේකම්වරුන් වෙත මුදා හැරීමට කටයුතු කළ බව ද අමාත්‍යවරයා පෙන්වා දුන්නේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
