ජූලි 1 වැනිදා සිට විදුලි බිල පහළ දැමීමට රජය තීරණය කර ඇතැයි විදුලි බල හා බලශක්ති අමාත්‍ය කංචන විජේසේකර මහතා සදහන් කරයි. ශ්‍රී ලංකා විදුලිබල පනත් කෙටුම්පත අද(06) පාර්ලිමේන්තුවට ඉදිරිපත් කරන අවස්ථාවේ බලශක්ති අමාත්‍යවරයා මේ බව පැවසීය
එහිදී ගෘහස්ථ කාණ්ඩවලට වැඩි සහනයක් ලබා දීමට තීරණය කළ බව අමත්‍යවරයා පැවසුවේ ය. ඊට අදාළ යෝජනාව ලංකා විදුලි බල මණ්ඩලය විසින් හෙට (07) මහජන උපයෝගිතා කොමිෂන් සභාව වෙත භාර දෙනු ඇති බව ද එහිදී අමාත්‍යවරයා පැවසීය.
ඒ අනුව, ඒකක 0-30 දක්වා ඒකකයක මිල රුපියල් 8 සිට 6 දක්වා ද ඒකක 30-60 දක්වා ඒකකයක මිල රුපියල් 20 සිට 9 දක්වා ද ඒකක 60-90 දක්වා ඒකකයක මිල රුපියල් 30 සිට 18 දක්වා ද ඒකක 120 දක්වා රුපියල් 50 සිට 30 දක්වා පහළ දැමීමට යෝජනා කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
