ඛනිජ තෙල් මිල අඩු වුනත් බස් ගාස්තු අඩු නොකිරීම සම්බන්ධව අද (04) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ මාධ්‍ය සාකච්ඡාවේ දී මාධ්‍යවේදියෙකු නැඟු පැනයට පිළිතුරු වශයෙන් අමාත්‍යවරයා මේ බව ප්‍රකාශ කළේය.
ඒ අනුව, ව්‍යවස්ථාදායක විසින් සම්මත කර දී තිබෙන ජාතික ගමනාගමන කොමිෂන් සභා පනත අනුව බස්ගාස්තු තීරණය කිරීම පිලිබඳ බලය තිබෙන්නේ ජාතික ගමනාගමන කොමිෂන් සභාවට බවත්, කොමිෂන් සභාවේ සභාපතිවරයා ඇතුළු අධ්‍යක්ෂක මණ්ඩලය විසින් නිර්ණායක 14 ක් පදනම් කරගෙන බස් ගාස්තු වෙනස් කිරීමේ සුත්‍රයට අනුව බස්ගාස්තු තීරණය කිරීම සිදු කරන බවත් මෙහි දී සඳහන් කළේය.
ඛනිජ තෙල් මිල අඩු වූ පමණින් බස් ගාස්තු අඩු නොවන බවත්, අනිකුත් සංරචකත් සමඟ තාක්ෂණික වශයෙන් ගණන් බැලීමේ නිළධාරීන් හා අදාළ පාර්ශ්ව සමඟ සාකච්ඡා කර ජාතික ගමනාගමන කොමිසම විසින් බස් ගාස්තුව තීරණ කරනු ලබන බවත් අමාත්‍යවරයා මෙහි දී වැඩිදුරටත් සඳහන් කළේය.
