නිරතදිග මෝසම් තත්වය හමුවේ පීඩාවට පත්ව ඇති ජනතාවට සහන සැලසීමට සහ හානියට පත්ව ඇති පොදු යටිතල පහසුකම් යළි ප්‍රකෘති තත්වයට පත් කිරීමේ ක්ෂණික වැඩපිලිවෙලක් ක්‍රියාත්මක කිරීම සදහා අග්‍රාමාත්‍ය දිනේෂ් ගුණවර්ධන මහතා ඉදිරිපත් කල යෝජනාවට අමාත්‍ය මණ්ඩල අනුමැතිය හිමි වී තිබේ.
මෙවර නිරිතදිග මෝසම් තත්වය සක්‍රී වීමත් සමග අනපේක්ෂිත ලෙස වර්ධනය වී තිබෙන කාලගුණ විපර්යාසවල ප්‍රතිඵලයක් ලෙස දිවයිනේ දිස්ත්‍රික්ක ගණනාවකම අධික වර්ෂාව හේතුවෙන් නාය යෑම්, ගස් කඩා වැටීම්, ගංවතුර මෙන්ම් පොදු යටිතල පහසුකම් පද්ධතිවලට දැඩි හානි සිදු වීමෙන් පවුල් දහස් ගණනක් තාවකාලිකව අසරණ භාවයට පත්ව ඇත.
ත්‍රිවිධ හමුදාවේ සහ සිවිල් ආරක්ෂක බළකායේ සහය ලබාගනිමින් අනෙකුත් අමාත්‍යංශ වල දායකත්වයෙන් වහාම ක්‍රියාත්මක වන පරිදි බලපෑමට ලක්ව ඇති පවුල් සඳහා සහන සැලසීමට ඉදිරිපත් කළ යෝජනාවට මෙලෙස අනුමැතිය හිමි වී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
