මෙම ගිවිසුමට ලංකා කර්මාන්ත සංවර්ධන මණ්ඩලය වෙනුවෙන් සභාපති වෛද්‍ය සාරංග අලහප්පෙරුම මහතා හා Lk Domain Registry ආයතනය වෙනුවෙන් එහි ප්‍රධාන විධායක නිලධාරි මහාචාර්ය ගිහාන් ඩයස් මහතා පසුගියදා ලංකා කර්මාන්ත සංවර්ධන මණ්ඩලයේ දී අත්සන් කරනු ලැබීය.
මෙම ගිවිසුම මඟින් උපායමාර්ගික හවුල්කාරිත්වය ඔස්සේ...ශ්‍රී ලංකාවේ කුඩා හා මධ්‍ය පරිමාණ ව්‍යවසායකයන් ඩිජිටල් තාක්ෂණය ඔස්සේ සවිබල ගැන්වීමට පියවර රැසක් ක්‍රියාත්මක කිරීමට බලාපොරොත්තු වේ.
ඒ අනුව මාර්ගගත පැවැත්ම වැඩි දියුණු කිරීම, කුඩා හා මධ්‍යම පරිමාණ ව්‍යවසායකයන් සඳහා විශේෂ මිල ගණන් යටතේ ඩොමේන් නාම ලියාපදිංචියට පහසුකම් සැලසීම, මෙන්ම ශක්තිමත් සබැඳි අනන්‍යතාවයක් ස්ථාපිත කිරීමට ඔවුන්ට ඉඩ සැල්සීමත්,
ඩිජිටල් පරිවර්තන සහාය මෙන්ම කුඩා හා මධ්‍ය පරිමාණ ව්‍යවසායකයින්ට ව්‍යාපාර වර්ධනය සඳහා අන්තර්ජාලයේ බලය උපයෝගී කර ගැනීම සඳහා සම්පත් සහ මාර්ගෝපදේශ සැපයීමත් සිදුකෙරේ. එසේම
දියුණු වන ඩිජිටල් පරිසර පද්ධතියක් ගොඩනැගීම සදහා කුඩා හා මධ්‍ය පරිමාණ ව්‍යවසායකයන්ට ඩිජිටල් යුගයේ දියුණුව සඳහා ආධාරක පරිසරයක් නිර්මාණය කිරීමට සහයෝගය ලබා දීමටද මෙම ගිවිසුමේ අරමුණයි.
මෙහිදී අදහස් දක්වමින් කතා කළ ලංකා කර්මාන්ත සංවර්ධන මණ්ඩලයේ සභාපති වෛද්‍ය සාරංග අලහප්පෙරුම මහතා මෙසේ පැවසීය.
"අපේ රටේ ශ්‍රම බලකායෙන් ව්‍යවසායකයන් සිටින්නේ සියයට 2.8 යි....එය ආසියානු කලාපයේ...අඩුම ප්‍රතිශතයයි...රටේ ආර්ථික සංවර්ධනය සවිමත් කිරීමට නම්...නිෂ්පාදන කර්මාන්ත ආර්ථිකයක් රට තුළ ගොඩනැගීය යුතුයි ....ඒ සඳහා අපේ රටේ ව්‍යවසායකත්වය සියයට 10 දක්වාවත් වර්ධනය කළ යුතුයි .......ඒ සදහා කර්මාන්ත අමාත්‍ය වෛද්‍ය රමේෂ් පතිරණ මහතා මේ වන විටත් පියවර රැසක් ගෙන තිබෙනවා ....එතුමාගේ බලාපොරොත්තුව වන්නේ වසර 2030 වනවිට අපේ ව්‍යවසායකත්වය සියයට 10 දක්වා වර්ධනය කිරීමයි....එසේම රටේ ව්‍යවසායකත්වයේ කොදු නාරටිය වන වන...කුඩා හා මධ්‍යම පරිමාණ ව්‍යවසායකයන්ගේ සංවර්ධනය උදෙසා...එල්කේ ඩෝමේන් රෙජිස්ට්‍රි ආයතනය සමඟ අත්සන් කළ මෙම ගිවිසුම ඉතා වැදගත් වෙනවා ....මේ මඟින් තව දුරටත්
ඩිජිටල් බෙදීම (Digital Divide) සමනය කිරීමටත්, කුඩා හා මධ්‍ය පරිමාණ ව්‍යවසායකයන්ගේ ඩිජිටල් පරතරය පියවා ගැනීමට මෙවලම් සහ දැනුමෙන් සන්නද්ධ කිරීමටත්, DigiGo හරහා ඵලදායී ලෙස තරඟ කිරීමට කුඩා හා මධ්‍යම පරිමාණ ව්‍යවසායකයන් ට සවියක් ලබාදීමටත්, කර්මාන්ත සංවර්ධන මණ්ඩලයේ IDB Training LMS, Bizconnect, Business Clinic & Ceylon Plaza ආදිය මඟින් සංවර්ධනය කරන ලද ඩිජිටල් යෙදුම් ගණනාවක් මගින්
අපේ කුඩා හා මධ්‍ය පරිමාණ ව්‍යවසායකයන්ගේ වර්ධනයට සහ සාර්ථකත්වයට අවශ්‍ය තාක්ෂණික සහාය ලබා දීමටත් මේ මඟින් හැකියාව ලැබෙනවා." යැයි පැවසීය.
මෙම අවස්ථාවට ලංකා කර්මාන්ත සංවර්ධන මණ්ඩලයේ අධ්‍යක්ෂ ජනරාල් එච්.එම්.එස්.සමරකෝන්, අධ්‍යක්ෂ (ව්‍යවසායකත්ව සංවර්ධන ) රේණුකා ජයලත්, අධ්‍යක්ෂ (ඉංජිනේරු සේවා ) ඩබ්.ඒ.පී.කපිල නිශාන්ත මහත්ම මහත්මීන් සමඟ LK Domain Registry ආයතනයේ නිළධාරීන්ද සහභාගි විය.
