අදට යෙදෙන ලෝක රූපවාහිනී දිනයේදී අපි එකතු වී වඩා දියුණු ජනමාධ්‍ය සංස්කෘතියක් කරා ගමන්කිරීමට අදිටන් කරගමු යැයි කැබිනට් ප්‍රකාශක ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පැවසුවේය.
ජනමාධ්‍ය අමාත්‍යවරයා මේ බව ප්‍රකාශ කළේ අද (21) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
ලෝක රූපවාහිනී දිනයේදී ලෝකයේත් අප රටේත් රූපවාහිනී සන්නිවේදනයේ යෙදෙන සියලුම ආයතන ප්‍රධානීන් හා කාර්ය මණ්ඩල වල සේව්‍ය සේවක සියලුදෙනාට අමාත්‍යංශය වශයෙන් ජනමාධ්‍ය අමාත්‍යවරයා සුභපැතුම් එක්කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
