පාර්ලිමේන්තු මන්ත්‍රී ජගත් කුමාර සුමිත්‍රආරච්චි මහතා යොමු කළ වාචික ප්‍රශ්නයකට පිළිතුරු දෙිමින් අමාත්‍යවරිය මේ බව සඳහන් කළා.
2022 වර්ෂයේ සිදු කළ සමීක්ෂණයට අනුව මෙරට ළමා මව්වරුන් 2287ක් සිටින බව ඇය පැවසුවාය.ලිංගික අධ්‍යාපනය පිළිබඳ දැනුම වයසට අනුව ලබා නොදීම නිසා දරුවන්ගේ ලිංගික
අධ්‍යාපනය අවම වී ඇති බවත් වයසට අනුව පියවරෙන් පියවර තම ශරීරයේ අයිතිය පිළිබඳව දරුවන්ට අධ්‍යාපනයක් ලබා දිය යුතු බව ඇය පෙන්වා දුන්නාය.
වයස අවුරුදු 16ට අඩු දරුවෙක් සමග ලිංගිකව හැසිරීම වැරැද්දක්. දරුවන්ගේ ආරක්ෂාව සැළසීම රජයේ වගකීමක්. දරුවෙක් ගැබ් ගැනීමක් සිදු වුවහොත් ඒ පිළිබඳව රජය අවශ්‍ය මැදිහත් වීම සිදු කරනවා.ආර්ථික අපහසුතා ඇති එවැනි ග්‍රාමීය මට්ටමේ දරුවන්ට නීති අධාර නොමිලයේ ලබා දීමට අවස්ථාව ලබා දී ඇතැයි ද ඇය සඳහන් කළාය.
