73 වන ජාතික නිදහස් දිනය අභිමානවත් ලෙස සැමරීම නිමිති කර ගනිමින් බන්ධනාගාර ගතව සිර දඬුවම් විදින රැදවූවන් 146 දෙනෙකු වෙත නිදහස ලබා දීමට තීරණය කර ඇති බව බන්ධනාගාර කොමසාරිස් ජනරාල් තුෂාර උපුල්දෙණිය මහතා news.lk වෙබ් අඩවිය කළ විමසුමකදී පැවසීය.
ජනාධිපති ගෝඨාභය රාජපක්ෂ මහතාගේ නියමය පරිදි මෙම රැදවූවන් හට (04)දින පොදු සමාව යටතේ නිදහස ලැබීමට නියමිතව ඇති අතර අභිමානවත් ලෙස ලාංකීය නිදහස් දිනය සමරමින් අපරාධ වලින් තොර නිදහස් ලංකාවක් ගොඩනැගීම එකම අරමුණ බවත් දූෂණ වංචා වලින් තොර දේශයක් බිහි කිරීම තම දෙපාර්තමේන්තුවේ අභිලාෂය බවත් තුෂාර මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
