මැතිවරණ කොමිෂන් සභාව මෙවර (2019) ජනාධිපතිවරණය වෙනුවෙන් නාම යෝජනා භාර ගැනීම සම්බන්ධව හෙට (07) දින කොළඔ නගරයේ රථවාහන සැලැස්ම හා මහජන ආරක්ෂාව පිළිබඳව පොලිස් මුලස්ථානයේ ජ්‍යෙෂ්ඨ පොලිස් නිලධාරීන් සමඟ විශේෂ සාකච්ඡාවක් මැතිවරණ කොමිෂන් සභාවේ සභාපති මහින්ද දේශප්‍රිය මහතාගේ ප්‍රධානත්වයෙන් මැතිවරණ කොමිෂන් සභාවේ දී පැවත් වුණි.
මෙම අවස්ථාවට මැතිවරණ භාර ජ්‍යෙෂ්ඨ නියෝජ්‍ය පොලිස්පති ජගත් අබේසිරිගුණවර්ධන, රථවාහන භාර නියෝජ්‍ය පොලිස්පති වික්‍රමසිංහ, නුගේගොඩ කොට්ඨාස බාර පොලිස් අධිකාරී ගීතාල් ලක්සිරි, විශේෂ කාර්ය බලකායේ ජ්‍යෙෂ්ඨ නියෝජ්‍ය පොලිස්පති එම්.ආර්.එම්.ලතීෆ් ඇතුළු පොලිස් නිලධාරීන් පිරිසක් හා මැතිවරණ අධ්‍යක්ෂ ජනරාල් සමන් ශ්‍රී රත්නායක, අතිරේක මැතිවරණ කොමසාරිස් රසික පීරිස් ඇතුළු මැතිවරණ කොමිෂන් සභාවේ ජ්‍යෙෂ්ඨ නිලධාරීන් පිරිසක් ද මෙම අවස්ථාවට සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
